EM KOMA MALBATÊN JI BO AZADÎYÊ (FAMILIES FOR FREEDOM) NE

KÎ NE EM? EM TEVGEREKIN JI MALBATÊN SÛRÎ. TEVGERA ME Bİ PÊŞENGİYA JİNAN TÊ MEŞANDİN. EM AŞTÎXWAZIN. EM XWEBAWER İN. TEVLÎYA ME BİBİN.

Em malbatên Sûrî ne ku azadiya hemû keç û xortên welat dixwazin.

Bi hezaran kesên sûrî hatin girtin û windakirin, ku piraniya wan di destê rêjîma Sûriyê de ne. Ew kur û keç, xwişk û bira û jinên me yên aştîxwaz in.

Helwesta me li dijî windakirina bizorê û binçavkirina xweser ji aliyê rejîma Sûriyê û hemû aliyên têkildar e. Em dixwazin gel kom bikin da ku zextê li hemû aliyan bikin ku dixwazên me pêk bînin.

Heta ku hemû xelkê Sûrî azad nebin û peyda nebin, tevgera me ranaweste. Emê bi berfirehî tevgera xwe bidomînin da ku her malbatek ku endamekî wê yê girtî an wendakirî hebe, ji kîjan ol, ramanên siyasî û etnîkî jî hebe jixwe bigire.

Me hatine tehdîdkirin û ji me re gotin ku em bêdeng bimînin. Lê em bêdeng nemînin. Em ser vê dinyaya neheq diqêrin ku em dixwazin hezkiriyên me vegerin.

ÇÎROKÊN ME

DAXWAZÊN KOMA "MALBATÊN Jİ BO AZADİYÊ".

EM VAN DAXWAZAN Lİ SER NAVÊ HEMÛ MALBATÊN SÛRÎYÊN HATİNE BİNÇAVKİRİN AN JÎ WİNDAKİRİN DİKİN.

Em weke malbat daxwaz dikin ku bilez xizmên xwe yên ku bi neqanûnî hatine girtin bên berdan. Û heta wê demê, em bang li rejîma Sûriyê û hemû aliyên dijmin û hemû aliyên ku dikarin bandorê li wan bikin, dikin ku:

Bilez lîsteya hemû girtiyan tevî cihê wan yê niha biweşînin û bilez dest ji îşkence û muameleya xerab berdin. Eger girtî miribe, divê belgeya mirinê bi rapora sedema mirinê û cihê binaxkirinê ji malbatan re were dayîn.
Zextê bêxin li ser hikûmeta Sûriyê da ku rê bide rêxistinên mirovî yên navdewletî ku bilez alîkariyên xwarin û pijîşkî bişînin, û rê bide komên qanûnî yên navdewletî ku derbasî navendên binçavkirinê bibin da ku ji nêzîk ve çavdêriya rewşa jiyanê bikin da ku standardên jiyanê yên tendurist pêk bînin.
Dadgehên neasayî, bi taybet dadgehên meydanî, dadgehên şer û dadgehên dij-terorîzmê ji holê rakin, û dadgehkirineke dadmend di bin çavdêriya Neteweyên Yekbûyî de misoger bikin.
Weke pêngaveke bingehîn ber bi dadperweriyê ve, divê hemû berpirs ji hemû aliyan ve, bi taybet hikûmeta Sûriyê, ji ber binpêkirinên ku li dijî girtiyên neqanûnî û malbatên wan hatine kirin, berpirsyar bin.

Di 10-ê Sibata 2021-an de, pênc rêxistinên qurbaniyan û malbatên wan Peymana Rastî û Dadperweriyê dan destpêkirin, ku nêrîna wana hevbeş derbarê çawaniya pêşxistina mafên qurbaniyan û tevgera dadmendî û rastiyê li Sûriye nîşan dide. Peymana Rastî û Edaletê li vir bixwînin.

Em ê çawa hezkiriyên xwe azad bikin?

Dîtin û azadkirina hezkiriyên me û hemû girtî û windayên Sûrî wê bibe têkoşîneke heta hetayê. Em bi hev re:

Hezaran malbatên sûrî ji seranserî welat û aliyên siyasî bînin cem hev da ku kampanyayên herêmî û navdewletî ji bo azadkirina girtiyan bidin destpêkirin.
Em ê biçin her cihê ku hevdîtinên aştiyê çê bibin da ku bîr hemû kesên çek hilgirin bînin ku bêyî azadkirina hezkiriyên me, aşitî pêk nayê.
Em ê bi her kesî re û li her derê ku bikaribe alîkariya azadkirina girtî û wendayên Sûrî bike re hevdîtin û lobiyê bikin.

Em ne siyasetmedar û ne jî şervan in. Em ji bo danûstendina ser pêşeroja welatê xwe yê delal, vexwandinên fermî ji bo mêvanî û otêlên giranbiha wernagirin. Lê emê li wir bin. Bi çeka hezkirina xwe ji bo endamên malbata xwe yên ji destê me hatine girtin, emê li wir bin. Bi paldanek bergirtî ji gelek jinên xwedî hêz ên ku pêş me hatine, Dayikên Plaza Del Mayo (Mothers of Plaza Del Mayo) li Arjantînê, jinên reşpûş ên li Bosnayê, malbatên windayên li Cezayîr û Lubnanê, em ê li wir bin.

Bİ HEVGİRTİNA WE, EMÊ Lİ WİR BİN.

“Malbatên ji bo Azadiyê" ji bo azadkirina girtiyên xwe yên li Xûtaya Rojhilat xwepêşandan dikin.
Endamên malbatên girtiyan li Xûtaya Rojhilatî ji bo azadkirina wan xwepêşandan dikin
Jin li Idlibê tevlî xwepêşandana cîhanî ya malbatên girtî û wendayên Sûrî dibin.
"Bila kurên me rojê bibînin" Xwepêşandana malbatên girtiyên li hundirê Rûsyayê
Otobusa Azadiyê wê di Cotmeha 2017-an de ji Lendnê dest bi gera xwe bike
"Malbatên ji bo Azadiyê" bi bêdengiyê ber bi Sefaretxaneya Rûsyayê li Berlînê ve meşiyan
Otobusa Azadiyê li derveyî deriyê Brandenburg Gate li Berlînê park dike
Malbatên kesên winda li Parîsê xwepêşandan dikin

6 RASTİYÊN GİRÎNG DERBARÊ GİRTİNA Lİ SÛRİYÊ

1. Li seranserî Sûriyê, zêdetir ji100,000 Sûrî bi awayekî neqanûnî hatine girtin û bizorê hatine windakirin. Hejmara rastîn dibe ku du an sê hember be - lê ne gengaz e ku jimareya rast bi dest bikeve. Gelek malbatan hezkiriyên xwe di komên belgekirina mafên mirovan de qeyd nekirine. Em ne tenê ne ku li benda vegera endamên malbata xwe ne. Bêhejmar Sûriyên din ên mîna me hene.
2. Beşek mezin ji piraniya xelkê ji aliyê rejîma Sûriyê ve hatine girtin, lê grûpên çekdarên opozisyonê û komên tundrewên weke DAIŞê jî ji girtin û windakirina xelkê berpirs in.
Piraniya girtiyên sûrî kesên ne tundûtûjî in û qet çek hilnegirtine. Gelek kes ji bo xwepêşandana aştiyane an ji ber ku diktor bûn an jî alîkariya mirovî pêşkêşî kirin hatine binçavkirin. Kesên din jî li ser bingeha gotegotên bêbingeh têne girtin an jî tenê ji ber ku ew ji herêmekê ne ku bi dijberiya xwe ya li dijî rejîmê tê naskirin. Gelek caran jî, xelk bêyî sedemek diyar têne binçavkirin. Ji ber van windabûnên ji nişka ve, tirsek di nava hemûyan de çêbû.
Li Sûriyeyê bi deh hezaran zarok hin bi tenê û hin jî bi dayikên xwe re hatin binçavkirin. Jinên ducanî yên ku zarokên wan dema ji dayikê bûnê sax in bi salan di zindanan de dijîn. Hinekan qet şîniya ezman nedîtine. Wan qet çûk û wêneyek nedîtine. Zarok di bin îşkenceyê de mirine.
Girtî bi tundî, îşkence, birçîbûna giran û şert û mercên jiyanê yên pir dijwar re rû bi rû ne. Hejmarên pir mezin di hucreyên piçûk de têne ragirtin, û hin jî neçar in ku bi mehan di hucreyên yek kesî de bi qasî tabûtek bijîn. Girtî gelek caran ji dadgehên demkî yên ku ne li gorî qanûnê ne û darizandineke dadmend ne mimkun e re tên şandin. Gelek girtî bi cezayê heta-hetayî û heta bi îdamê tên ceza kirin. Tirsa vê heye ku bi hezaran girtî di polîtîkaya bi zanebûn de ku Rêxistina Efûyê ya Navneteweyî wekî "tinekirinê" bi nav kir, hatibin kuştin.
Mexdûrê ne tenê kesên girtî ne, malbatên wan jî aciz dibin. Di piraniya rewşan de, desthilatên Sûriyê red dikin ku zanyariyan li ser cih û çarenivîsa girtiyan bidin. Derbarê kesên ku di girtîgehê de jiyana xwe ji dest dane ka bi rastî mirine an jî sedema mirin û cihê binaxkirinê agahî ji malbatên wan re nayê dayîn. Gelek caran ji malbatan re qedexe ye ku mirina hezkiriyên xwe ragihînin û heta ji wan re merasîmek li dar bixin.

ÇALAK BIN

Lİ CEM "MALBATÊN JI BO AZADİYÊ" BİSEKİNİN.

ÎMZE BIKIN